Hər il noyabr ayında Ümumdünya Antibiotiklərdən Düzgün İstifadə Həftəsi keçirilir. Məqsəd mikrob əleyhinə preparatlara davamlılıq problemi barədə dünya ictimaiyyətini məlumatlandırmaq və antibiotiklərə davamlılığın daha çox inkişaf etməsinə və yayılmasına yol verməmək üçün bu sahədə qabaqcıl təcrübəni ictimaiyyət, səhiyyə işçiləri və bu istiqamətdə siyasətin işlənib hazırlanmasına cavabdeh olan şəxslər arasında təbliğ etməkdir.

   Ümumdünya Səhiyyə Təşkilatının məlumatına əsasən, antibiotiklərin kəşfindən sonra bu dərman vasitələri müasir təbabətin əsasını təşkil edib. Bununla belə, antibiotiklərdən qeyri-rasional və yanlış istifadə olunması insan və heyvan sağlamlığı praktikasında mikrob əleyhinə preparatlara davamlılığın yaranmasına və yayılmasına şərait yaradır. Mikrob əleyhinə preparatlara davamlılıq mikroorqanizmlər, məsələn, bakteriyalar onların müalicəsində istifadə olunan dərman vasitələrinin təsirini hiss etməyəndə yaranır.

Mənbə:azertag.az